Miloddan avvalgi 480-yil. Forslarning ko‘p ming kishilik qo‘shini Yunoniston chegaralariga yetib keldi, bosqinchilarning yo‘lini to‘sib chiqish uchun shoh Leonid boshchiligidagi kichik bir spartalik jangchilar guruhi otlandi. Forslar shohi Kserks spartaliklarga qurollarini tashlashni taklif qildi, ammo mard jangchilar: «Yo birga g‘alaba qozonamiz, yo birga o‘lamiz!» deya ahd qilishdi. Jang to‘rt kecha-yu to‘rt kunduz davom etdi, Kserks o‘zining eng saralangan «O‘lmaslar» gvardiyasini jangga tashladi, biroq ular ham uch yuz spartalikning qilichidan halok bo‘ldi.