MRBdan ketib, biznes sohasida ishlayotgan Jek Rayanga uning sobiq boshlig‘i, hozirda MRB direktori o‘rinbosari bo‘lgan Jeyms Grir murojaat qiladi. U eski do‘stlik hurmati Jekdan Dubayga uchib, “oddiy bir yumushni” bajarishni so‘raydi. Bor-yo‘g‘i Nayjel ismli odam bilan uchrashib, undan “jo‘natma”ni olib kelish kerak edi. Jek istar-istamas rozi bo‘ladi va hamkasbi Mayk November bilan BAAga yo‘l oladi. Biroq operatsiya kutilganidek kechmaydi: uchrashuv paytida Nayjel o‘ldiriladi, Jek va Mayk esa maxsus xizmatlar hamda yollanma qotillarning o‘zaro otishmasi o‘rtasida qolib ketadi.