Rohit va Arjun — har qanday vaziyatdan omon-eson chiqib ketadigan uddaburon firibgarlar. Ammo kunlarning birida ular mafioz Sikanderning odamlarini «chuv tushiradilar». Buning oqibati fojiali yakun topadi: Sikanderning jangarilari Rohitni o‘ldirishadi, Arjun esa o‘z jonini saqlab qolish uchun 10 kun ichida 400 ming rupiya topishi kerak bo‘ladi. Shunda Arjun tavakkal qilib, katta o‘yinga qo‘l uradi. Do‘stlaridan tashqari, unga o‘zi uchun mana shu og‘ir damlarda uchratgan qizi Natasha ham yordamga keladi...