Amerikalik yengil atletikachi Lui Zamperini 1936-yilda Berlinda bo‘lib o‘tgan Olimpiya o‘yinlarida qatnashgan. U final poygasida g‘alaba qozona olmagan bo‘lsa-da, Gitlerning nazariga tushgan va fashistlar dohiysi uni o‘z lojasiga taklif qilgan. Zamperinining keyingi Olimpiya o‘yinlarida ham ishtirok etishi kutilayotgan edi, biroq Ikkinchi jahon urushining boshlanishi tufayli u frontga ketishga majbur bo‘lgan. Uning samolyoti Tinch okeani uzra halokatga uchragach, Zamperini ikki safdoshi bilan solda 47 kun suzib yurib, yaponlarga asir tushgan.