1930-yillar, Koreya Yaponiya mustamlakasi ostida. Graf laqabli firibgar qashshoq qiz Suk-xiga mo‘maygina daromad va’da qilib, bir ishga bosh qo‘shishni taklif qiladi. U badavlat yapon ayoli Hidekoni o‘ziga rom etish, u bilan Yaponiyaga qochib ketib, unga uylanish, so‘ngra uni aqli noraso deb e’lon qilib, ruhiy kasalxonaga tiqish va barcha boyligini qo‘lga kiritishni rejalashtiradi. Suk-xi esa unga ko‘maklashish uchun Hidekoga xizmatkor bo‘lib yollanishi lozim. Qiz aytilganidek qiladi ham. Biroq to‘satdan Grafning puxta o‘ylangan rejasi xavf ostida qoladi.