Finlyandiyaning kichik bir shaharchasida yashovchi to‘rt nafar sochi paxmoq do‘st ulardan birining uyi va ayni paytda bug‘uchilik fermasi bo‘lgan binoning yerto‘lasida og‘ir musiqa chalishadi. Ular shu darajada berilib chalishadiki, hatto bug‘ular ham o‘z joniga qasd qilishga tayyor bo‘lib qoladi. Kunlarning birida shu yerdan o‘tib ketayotgan chet ellik mehmon Norvegiyadagi yirik metall-festival promouteri bo‘lib chiqadi. Yigitlar unga o‘zlarining demo-yozuvlarini berishgach, butun qishloq ularni haqiqiy rok-yulduzlar deb o‘ylay boshlaydi. Endilikda qahramonlarimizning jig‘iga tegib yurgan ko‘cha bezorilari ham ularga birga ulfatchi...