Qayg'u uchburchagi

Karl va Yaya ismli modellar juftligi badavlat yo‘lovchilar davrasida hashamatli yaxtada sayohatga otlanadi. Yo‘lovchilar orasida rus tadbirkori, britaniyalik qurol ishlab chiqaruvchilar va IT dahosini ham uchratish mumkin. Kema sardori esa doimiy ichkilikdan boshi chiqmaydigan marksistdir. Hozircha hammasi o‘z izida ketmoqda: mehmonlar dam olayapti, xizmatchilar ishlab yuribdi, rus tadbirkorining xotini esa g‘alati qiliqlar qilmoqda. Ammo tez orada kutilmagan bir hodisa yuz berib, o‘rnatilgan tartibni ostin-ustun qiladi va ayrimlarni o‘z o‘rni hamda ahamiyatini qayta ko‘rib chiqishga majbur etadi.