Boqi — g‘assol, u mayitlarni dafn qilishdan oldin yuvadi. Boqi o‘rta yoshli, oilasiz, odamovi va istehzoli bir kishi, uning bor-yo‘g‘i bitta do‘sti bor. Kunlarning birida noma’lum kimsa qabristonning o‘zida g‘assolga pichoq urib, uni o‘ldirishga urinadi. Boqi suiqasddan omon qoladi-yu, ammo o‘z hayoti haqida chuqur o‘yga toladi. Uni hammadan ko‘ra bir savol ko‘proq qiynaydi: o‘zi vafot etgach, jasadini kim yuvarkin? Yagona do‘sti xotini bilan birga nima qilib bo‘lsa ham, bu badqovoq odamga xotin topib berishga ahd qiladi. Zero, shu ayol bilan u nihoyat hayot ta’mini his qilishi mumkin edi.