«Savolchalar» klubi

Har bir qismda “Savolchalar” klubi a’zolari — Astra, tipratikan Jenya, chittak Yan va qor trolli Bonya — jajji tomoshabinlardan videoxabar shaklidagi savol olishadi va shu lahzadan ularning javob izlash sarguzashtlari boshlanadi. Qahramonlar bir qancha kulgili farazlarni o‘rtaga tashlab, ularni tajriba yo‘li bilan tekshirib ko‘rish uchun zamon va makon bo‘ylab g‘aroyib sayohatga otlanishadi: turli mamlakatlarga, o‘tmish va kelajakka, raqamli olamga, koinotga yoki yer ostiga sayr qilishadi. Oxir-oqibat, ular har doim haqiqat tagiga yetib, qiziquvchan tomoshabinning savoliga videojavob yozib yuborishadi.