Sarguzasht ishqibozlari

Sarguzasht izlovchilar Xuten va Ledi Aleksandra birgalikda faoliyat yuritadi. Ular Britaniya muzeyi xodimlari bo‘lib, o‘z muassasasini o‘tmish osori-atiqalari bilan to‘ldirishga harakat qiladi. Bosh qahramonlar uchun tarixiy yodgorliklar haqiqiy boylik sanaladi. Shu sababli ular qachonlardir tarixiy shaxslarga tegishli bo‘lgan u yoki bu buyumni topib kelish uchun dunyoning narigi chekkasiga borishga ham tayyor. Bu gal juftlikni oltin shahar, Buddaning yo‘qolgan o‘ramasi va Iskandar Zulqarnaynning qabrini izlab topishdek mashaqqatli sayohat kutmoqda.