Naklz

Mard jangchi uchun bekorchilikdan dahshatliroq narsa yo‘q. Ko‘k tipratikan Sonikning hamrohi bo‘lmish jangovar yexidna Naklz aynan shu sinovga duch keladi. Dushmanlar yengilgan, Yer xavf-xatardan qutulgan, atrofda tinchlik va osoyishtalik hukm surmoqda. Jangchi azob chekadi va o‘ziga joy topa olmaydi, chunki u faqat jang qilishni o‘rgangan, xolos. Uning qayg‘usi Naklzning ustozi arvohi kelib, endi o‘zi yangi jangchini tarbiyalash vaqti kelganini aytganda barham topadi. Bu yangi jangchi yaqindagina bouling jamoasidan haydalgan mahalliy sheriff Ueyd Uipplning landavur yordamchisi bo‘lib chiqadi.