Odamlarni zombiga aylantiruvchi dahshatli yuqumli kasallik Yaponiyaga tarqalib, butun mamlakatni qamrab oldi. Bu ofat Fudzimi xususiy maktabiga ham bildirmay yaqinlashdi. Tirik murdalar to‘dasidan sanoqli o‘quvchilar va o‘qituvchilargina qochib qutulishga muvaffaq bo‘ldi. Yuqori sinf o‘quvchisi Takashi Komuro zombiga aylangan eng yaqin do‘stini o‘ldirishga majbur bo‘ldi. Endi yigit halok bo‘lgan o‘rtog‘ining sevgilisi Rey Miyamotoni himoya qilish uchun hamma narsaga tayyor. Ular tirik qolgan boshqalar bilan birga oila a’zolarini izlashga otlanib, yo‘l-yo‘lakay bu keng ko‘lamli pandemiyaning sabablarini aniqlashga harakat qiladilar.