2149-yil. Yer aholisi haddan ziyod ko‘payib ketgan. Ko‘plab o‘simlik va hayvon turlari allaqachon sayyoramiz yuzidan yo‘qolib bo‘lgan. Insoniyatning kelajagi shubha ostida qolgan, olimlar yagona najot yo‘lini o‘tmishda ko‘rmoqdalar. Kutilmaganda topilgan fazo-vaqt portali eng dadil rejani amalga oshirish imkonini beradi - odamlarni 85 million yil avvalga ko‘chirib, sivilizatsiyani qayta tiklash. Shennonlar oilasi Terra Nova deb nomlangan yangi vatanga ko‘chib keluvchilarning o‘ninchi safariga qo‘shilish sharafiga muyassar bo‘ladi.