FQB tomonidan eng ko‘p qidirilayotgan jinoyatchilardan biri bo‘lgan Reymond “Qizil” Reddington Vashingtondagi FQB shtab-kvartirasiga shaxsan o‘zi taslim bo‘ladi. U o‘zi va FQBning manfaatlari mushtarak ekanini, ya’ni xavfli jinoyatchilar hamda terrorchilarga qarshi kurashishni da’vo qiladi. So‘nggi yigirma yil davomida u FQB topa olmayotgan eng muhim jinoyatchilar va terrorchilar ro‘yxatini tuzgan, chunki Byuro ularning mavjudligidan bexabar. Reddington bu ro‘yxatni “Qora ro‘yxat” deb ataydi. Reddington hamkorlik qilishga tayyor, biroq faqat FQBning ish boshlagan profayleri Elizabet Kin bilan gaplashishini qat’iy talab qiladi.